জন-আন্দোলনের গান

জঙ্গল কাটে চাষের জোমিন হামরা বেনাইছি, হালচলায় সোনার ফসল ভাই হামরা ফলাইছি, ফিরডি হামার খাবার নাহি। ২

ইস্কুল কলেজ অফিস কাছাড়ি হামরা বেনাইছি, গেরাম শহরে খাবার জোগার হামরা জোগাইছি, ফিরভি হামার কাম নাহি। ২

কারখানার ঘরবাড়ি যন্ত্রপাতি ভাই হামরা বসায়ছি, পথের ধারে বিজলি বাতির খুঁটি হামরা পুতিছি, ফিরভি হামার বাতি নাহি। ২

জঙ্গল কাটে চাষের জোমিন হামরা বেনায়ছি, হালচলায় সোনার ফসল ভাই হামরা ফলাইছি, ফিরভি হামার খাবার নাহি। ২

পঞ্চায়েত ঘরের পাকা বাড়ি হামরা সাজাইছি,
দল বান্ধিয়া ভোটের তানে ওরে হামরা বেড়াইছি, ফিরভি হামার হক নাহি।

ইটার পর ইঁটা গাঁথি বিধানসভা হামরা গাঁথিছি, যতনে চুন লাগায় সাদা রঅং হামরা কোরিছি, ফিরভি হামার মেম্বার নাহি। ২

জঙ্গল কাটে চাষের জোমিন হামরা বেনায়ছি, হালচলায় সোনার ফসল ভাই হামরা ফলাইছি, ফিরভি হামার খাবার নাহি। ২

পাথর ফেলায় রেলের লাইনক হামরা বসাইছি,
পিচ গলায় হাই রোডক হামরা পাকা কোরিছি, ফিরভি হামার গাড়ি নাহি।

দলে দলে মিছিল কোরি হামরা নেতা বেনাইছি, ভোটের খুনা ভোট দিয়া হামরা মেম্বার বেনাইছি, ফিরভি হামার পাওয়ার নাহি। ২

জঙ্গল কাটে চাষের জোমিন হামরা বেনায়ছি, হালচলায় সোনার ফসল ভাই হামরা ফলাইছি,
ফিরভি হামার খাবার নাহি।২

ঘাস কাটি গরুক খিলায় হামরা পেট ভরাইছি,
বাছুর বান্ধি আপনা গাইর দুধ হামরা ছেকিছি, ফিরভি ঘরত দুধ নাহি।২

গাছ লাগায় জল ঢালি হামরা ফল ফলায়ছি,
ভেলা চড়হি নদীর জলৎ হামরা মাছ ধোরিছি, ফিরভি হামার পুষ্টি নাহি। ২

জঙ্গল কাটে চাষের জোমিন হামরা বেনায়ছি,
হাল চলায় সেনার ফসল ভাই হামরা ফলাইছি, ফিরভি হামার খাবার নাহি। ২

ভোজ বাড়ির পাকান সাকান হামরা কোরিছি, নিজের হাতে নানা জাতের খাবার হামরা বেনায়ছি, ফিরভি হামার দেহা নাহি। ২

বড় লোকের পাকা বাড়ি ভাই হামরা বেনায়ছি,
বাবুর ঘরের বাসন কাসন হামরায় মাঞ্জিছি,
ফিরভি হামার ঘর নাহি। ২

জঙ্গল কাটে চাষের জোমিন হামরা বেনায়ছি,
হাল চলায় সোনার ফসল ভাই হামরা ফলাইছি, ফিরভি হামার খাবার নাহি। ২

লেখা পড়া শিখে-পরে হামরা দিল্লী খাটেছি,
সালে সালে ভুল কোরিয়া হামরা নেতা যাচেছি। ফিরভি হামার গতি নাহি। ২

হামার জমিন, বাবুর বাগান, হামরায় খাটেছি,
ঘরে ঘরনায় মিলে ওরে হামরা পাতা উঠাছি,
ফিরভি হামার সুখ নাহি। ২

জঙ্গল কাটে চাষের জোমিন হামরা বেনায়ছি,
হালচলায় সোনার ফসল ভাই হামরা ফলাইছি,
ফিরভি হামার খাবার নাহি। ২

মানষির কহে দিন রাইত হামরা এক কোরেছি,
প্রকৃতি বাঁচিবে কহে হামরা করম উৎসব কোরিছি,
ফিরভি হামার প্রকৃতি নাহি। ২

শাওন মাসৎ গাউন বান্ধি হামরা সুর দিয়াছি, ভাওয়াইয়া সুরৎ ভাইরে হামরা দুনিয়া মাতাইছি, ফিরভি হামার ভাষা নাহি।

জঙ্গল কাটে চাষের জোমিন হামরা বেনায়ছি, হালচলায় সোনার ফসল ভাই হামরা ফলাইছি, ফিরভি হামার খাবার নাহি। ২

বাবুর ঘরের ঝিয়াপুতার দ্যাখভাল হামরা কোরিছি, সান বেহানে পড়িবার মাথা বারে হামরা কোহিছি। ফিরভি হামার ইস্কুল নাহি। ২

হাসপাতালের জোমিন-দান ভাই হামরায় দিয়াছি, ডাক্তার বাবুর পড়হার খরচ হামরা জগায়ছি,
ফিরভি হামার এ্যালাচ নাহি। ২

জঙ্গল কাটে চাষের জোমিন হামরা বেনায়ছি, হালচলায় সোনার ফসল ভাই হামরা ফলাইছি, ফিরভি হামার খাবার নাহি। ২

কাব্য গ্রন্থ
সুতলি